Author Archives: EnrichCultureGroup

如果你無試過同女文青打交道，你完全唔會知道佢哋到底有幾咁痴線。唉，事源是咁的：依件係我 Year 1時候嘅事。我相信每個人Year 1 唔多唔少都總會玩過一兩次O Camp，我都係。老老實實，入到大學，讀咗十幾年書，點都要搵啲嘢玩吓吖，你話係唔係先？ 嗰年呢，我報咗大O（成間大學唔同學系嘅人一齊玩），仲有報咗Hall O （宿舍搞嘅 O Camp）。細O無去到，因為撞咗有嘢做。 話說啦，我放JUPAS嗰時一大清早呢，就開始刷牙，仲有洗面，之後我開始食早餐，早餐係阿信屋······ OK，事不宜遲，我由大O嗰日講起啦好嘛？ 「我叫Michelle，呃······係讀文學院㗎。」 嗰時所有人已經換晒Camp Tee，幾乎一模一樣樣咁滯，但依個女仔好特別，所以我淨係記得佢。佢一頭啡色長頭髮，紥咗條低辮，望嘢嘅時候好似無焦點咁，個樣少少呆少少蠢。嗰次係我哋第一次見面，嗰時我哋喺朗豪坊間麥記裡面，佢同其他人食緊雪糕。而我因為之前有啲嘢做而遲咗到。 「哦······叫我格仔得㗎喇，讀BBA。」 雖然我讀BBA，但如果你問我大學生涯裡面有咩唔識，我會答你係BBA。然後所有人都自我介紹咗一次。但當時我掛住望住阿Michelle，我一路諗，其實依個女仔都幾可愛幾靚女吖，但唔知點解我又同時覺得依個女仔個樣好好笑。 組爸：「你試下背返晒我哋啲名出嚟先！」 我冷冷一笑：「其實唔難啦！嗱，睇住，聽我講喇，依個係Michelle······依個係······」 之後嗰啲我全部唔記得。 眾人：「WOW！淨係記得Michelle！」 於是嗰日我全程畀人「造」，同Michelle傾兩句偈又有人歡呼，玩Game嗌下Michelle個名都畀人玩。有啲咩嘢要兩個人出去嘅Game，啲人就喺度嗌：「Michelle、格仔、Michelle、格仔······」 喂，阿哥，我記性差少少啫。 O Camp 遊戲不外乎用飲管傳下橡筋、同女仔食下百力滋咁，我讀嗰間大學實在太過正氣，少少淫Game都無。戇戇居居又一天，嗰日我哋都玩得幾開心。 組爸約定我哋：食完晚飯，梳洗完，夜晚十二點就去佢嗰邊集合玩房Game。 但你知，CampSite多數六點開飯，晏啲一定會肚餓。於是我摷咗個杯麵出嚟拎去 Canteen搵熱水。夜晚，Canteen為咗慳電淨係開咗一邊燈。角落頭有個女仔坐咗喺度，望住窗外面。外面係一片大海，對岸一點一點高樓大廈嘅燈光。我心諗，有咩好望？ 「Michelle？」 Michelle擰轉頭：「格仔？」佢望住我個杯麵：「食杯麵啊？」阿小姐唔通出嚟賞月咩？ 我笑笑口：「哦，係啊。」我又問返佢：「你呢，你喺度做咩啊？」 Michelle：「喺度諗下嘢啫。」做乜諗嘢？ 杯麵落完水，冒住蒸氣，我放咗個杯麵喺枱，坐咗喺佢隔籬。 我：「你今日玩得唔開心啊？」 Michelle：「唔係吖，好開心啊。」佢微微彎起嘴角，然後又望向窗外。 佢咁嘅狀態，好難說服到我佢真係開心，但我又唔知可以講啲咩好。唉，我都唔想㗎，咁我記性真係咁差，記唔到其他人啲名，我都無法。講到唔記得嘢，我最快嘅記錄係沖涼嗰陣啦，洗完頭之後，我即刻唔記得咗自己有無洗頭。但係，我照直咁同佢講又好似有啲戇居，所以······「今日唔好意思啊，累你畀人玩。」 「唔緊要。」 Canteen靜得交關，粒聲都無，尷尬到極點。我望下隻錶，望望個杯面，又望下隻錶。Michelle無出聲，於是我又望望個杯麵、望望隻錶。我感覺到額頭有少少汗滴緊落嚟。 「我聽日會叫阿肥強啊、細超佢哋唔好再玩㗎喇。哈哈哈，你唔好介意啦。」我見時間去到咁上下，於是拎起個杯麵準備走人，再唔走我真係會窒息死。「個杯麵都搞掂喇，我拎返去食先喇，哈哈哈哈。唔阻你思考喇，陣間見啦！」 「陣間見。」 行到咁上下，我又望返轉頭，佢又繼續望住個窗。光管喺佢頭頂上面照落嚟，佢眼睛望向遠處，粒聲唔出。佢背影裡······有哀愁、感傷、雨、霧，OK，其實我已經用盡我上林溢欣所學過嘅字。唉，總之虎軀一震啦。 「格仔！原來你喺度啊？！」肥強定唔知細超忽然現身，然後佢窒咗窒，視線定咗喺坐我後面嘅Michelle身上。我即刻心知不妙，瀨嘢喇。 「吖！格仔！原來你孖住阿Michelle喺度食杯麵，哎啊對唔住啊阻住你哋撐枱腳添！」 我翻白眼：「撞到之嘛。」 「哦！原來係孖住阿Michelle一齊撞到喺度食杯麵！」我已經無佢咁好氣，起身走人。 「Bye。」 Michelle回頭向我哋微笑一下：「再見。」 肥強定唔知細超跟住我行，問：「佢搞緊乜。」 我答佢：「賞月啩。」佢O咗嘴咁望住我：「吓？」我嘆口氣，認真返少少補充：「我估佢係望緊個海。我諗。佢一直望住個海，好似好唔開心。」 細超定唔知肥強：「肯定係你太樣衰佢唔鍾意你，肯定係。」 我：「唉摺埋啦你。」 佢擰轉頭，舉起手，向Michelle大嗌：「Bye ByeContinue reading “楔子 《相遇》”

第一章 《課室》 我叫古亦凡，中一。 話說，這叫洛克的八級颱風在香港肆虐，那天我們留在學校不能回家，這本來沒有什麼稀奇，但當我們離開學校的時候，我恐怕自己真的殺害了全班。 七月二十三日。 我和我的同學從該下課的時間開始，被困在學校裏進福兩小時，難免有些不安。 雖然只是中午一時四十五分，窗外卻天色昏暗，只見被大雨模糊的黃色街道和被狂風吹晃的綠色大樹，灰色的街道不見任何人和車。 本來今天是暑假的日子，但因為我們班其中二十人「忽然」被強制出席生涯規劃課程之「一分鐘與成功的關係」，所以我們全班在這裡，現在又困在為天文台掛上了八號風球，我們必須留在這個安全地方直到天文台願意改發三號。 我想在教師桌那邊的麥教授也很不耐煩，因為現在已經超過他下班的時間一小時五十分鐘了，但他臉上還得掛上專業的笑容，好整以暇地執筆批改我們今天交上的「暑假時間規劃表」，看來是以身作則地教導我們善用時間。 「我想這個風還會掛上一段時間。這個風在十時掛起的，通常這種風都會掛上半天，而且因為今天是星期日，」麥教授停下筆，望著窗外，「李氏力場不會在星期日生效呢？呵呵。」他笑笑，但除了他，沒有人覺得好笑。 強制出席這個課程的同學用有二十人，在這課室裏共有二十一人。 「老師······」。班上舉起了一隻戰戰兢兢的手。 「請叫我教授！」 「我想說······我們會不會永遠······永遠地困在這裡······？」黃柏宇囁嚅問，而麥教授的表情好像聽見一個很可笑的笑話。 「有時間在這裏胡說八道，不如爭取時間多讀點書吧。剛才我派給大家的課外書呢？看完未?趁有時間快看完它，如果看完就寫寫閱讀報告。」 其實，在下課時間後的一小時五十八分鐘內，同學們都在自己的位子裏安靜閱讀。只是，大家還未吃午飯。難免心中焦躁。 秒針一答一答。 在風雨外的寧靜課室，我打了個呵欠，然後伏在桌上，沒多久，我又迷迷糊糊聽見麥教授自言自語······ 「好像我這樣，短短兩小時裏，就能夠批改好你們二十一張工作紙。」 等······等等！ 我內心一凜，揉揉眼睛，望向其他同學。 一······二······三······四······五······六······ 「但是啊！莫嘉俊同學，你真的覺得這種時間編排好嗎？」麥教授托著下巴，不滿地看著桌上的工作紙。 七······八······九······十······十一······十二······十三 同學們聽見麥教授的話，然後面面相覷。 十四······十五······十六······十七······ 班上有一手舉起：「老師······不······麥教授，我們這裏好像沒有一個人叫······莫嘉俊？」 「沒有？沒理由，工作紙左上角明明寫著他的名字。」麥教授疑惑，拿起工作紙，肯定地說：「對！莫嘉俊，我沒看錯！」 二十······ 計算麥教授在內，這課室裏共有二十人。 數目不同······ 這時候，我覺得這課室好像有點不妥。 *** 現在的時間是二時七分。 「麥教授······我有點肚餓了······」林依晴舉手說。 林依晴一向都是一個很容易喊肚餓的女孩。她的語氣傻呼呼，眼睛水汪汪，頭髮有點亂糟糟，樣子卻十分清秀可愛。這次她喊肚餓，各人紛紛承接附和。 「對啊······我都肚餓了。」 「但樓下小食部沒有開門······」 「但我們快要餓死了······」 大家你一言我一語，麥教授面對著同學們的申訴，看起來束手無策，苦惱非常。 「不如我們叫外賣好嗎？」 「但外賣仔好可憐的······」 「那麼怎麼辦啊？我們又不能離開學校······」 「麥教授！」我舉手。 「大家不要吵！阿······」麥教授正在回想我姓甚名誰，「阿······」但還是想不出來，「坐在最後面那一位同學，你舉手是有甚麼問題嗎？」 「今天是不是只有我們在這所學校裏？」 「呀······是啊······」麥教授思忖著。 「但你不覺得很奇怪嗎？」 「有甚麼奇怪呢？」 「我今天是第一次見你，但卻沒有其他負責這課程的老師介紹你是誰。」 麥教授不是本校的老師，在課堂開始時的自我介紹裏，已經說明自己是受學校邀請講課的專業生涯規劃課程教師。 「這也沒有甚麼太奇怪。」麥教授皺眉說，顯然口不對心。 「麥教授！我有個建議！」林依晴舉手，「不如我們往小食部去，從那裏取點食物回來好嗎？最多我們放下錢？」 沒有同學贊成和反對，只是望向課室裏的唯一權威人物麥教授。 「好吧。」麥教授無奈說：「這也是情非得已。」Continue reading “因為怪物就在課室門外”