Advertisements
契子 《百合花》
是咁的，我嘅職業係幫想自殺嘅人寫遺書，有意者可pm或wtsapp我。
我有個習慣，就係會見證我嘅客人點死。當然啦，如果佢哋係燒炭吊頸割脈呢啲，喺屋企做我就見唔到啦。但如果係公開場合自殺，譬如跳樓，我就一定喺附近。
而今日，阿May就咁跳咗落嚟。附近無乜人，而我，又再一次聽到骨頭碎裂嘅聲音。
其實我對客人自殺真係無咩感覺，或者應該話，好耐以前開始我已經對人死無乜感覺。
嗰日，我望住阿May條屍，附近開始浮現淡淡嘅腥味。幾個途人停咗喺度望，有個女人尖叫，拆天咁聲，終於有人報警。
唔知點解，阿May嗰隻因為撞擊而扭曲嘅手，同我回憶入面嘅一隻手好相似，猶如被書頁壓扁嘅百合花瓣。
原來，封遺書仲喺佢手。
–待續–
